Abo

Kölsch Kolumne„Bruchlandung hinjelaht“ – ein Brief an WDR-Intendant Tom Buhrow

Lesezeit 3 Minuten
20190417max-barth03

Kabarettistin und Regisseurin Marina Barth kennt keinen einzigen Kölner Künstler, der das Sofortnothilfe-Geld bekommen hat.

Köln – Jetz, wo sech de Opräjung e bissche jelaht hätt, kanns do villeich zojevve: Do häs Do en Bruchlandung hinjelaht, leeven Tommes! Ich hoff, et es en Oodenung, dat ich „Do“ sage– mer sin fass dr gliche Johrgang. Un es et nit esu, dat hückzedachs eher de Fraulück dä Typen et „Do“ anbeete wie ömjedrieht?

Ich künnt' mer vürstelle, dat dat, wat ich sage well, op „Do un Do“ e bissche mieh kommod klingk. Dat wör mer wichtig.

Köln: Wat uns Jesellschaft bruch, es Wertschätzung för de Lück

Zur Person

Marina Barth ist die Chefin des Theaters „Klüngelpütz“. Im Programm „Köln (nicht nur) für Anfänger“ bietet sie eine „Überlebenshilfe für Kölnbesucher und Zugereiste“. Die Kabarettistin, Regisseurin und Stadtführerin ist eine der Autoren, die Texte für unsere Kolumne schreiben. (fra)

Wat uns Jesellschaft bruch, es Ihrlichkeit, Rückgrat, Mod un Kompetenz. Un Wertschätzung för de Lück, die jet anderes jotfinge als wie ich. Wat normal klingk, es en dr Realität nit esu einfach. För jenau sujet leiste mer uns Institutione wie dä WDR.

Wat mer jeweß nit bruche, es noch en billije Heimatsendung mieh, noch en Kochsendung, Haushaltwarejedönsrat, noch mieh „Loorens, ming schönstes Haustierfotto“, noch e Prommiportät un billije Krimis us jedem Kuhkaff. Fott domit!

Buhrow: En Fernsehchef, dä sech för Satire entschuldije dät

Wörterbuch

jelaht – gelegt Oodenung – Ordnung Flimmerkess – Fernseher Mod – Mut Pröll – Plunder, Müll Diskösch – Diskussion beßje – bisschen Daugenix – Taugenichts schinge – scheinen nüdich – nötig

Mer bruche kein Schlagerparade met Hits us 50er, 60er, 70er en dr Flimmerkess un em Radio. Kein Wunder, dat dä Blick vun dä Minsche immer sehnsüchtijer zeröck jeiht! In en Verjangeheit – un dat muss ich Dir doch nit sage, leeven Tommes – die et esu nie joov! De Hälfte vun solchem Pröll wör mieh als jenoch, zovill Süßkrom friss brung Löcher, nit nur in Zäng – dat weiß jede Panz!

Wat mir och nit bruche, is en Fernsehchef, dä sech för Satire entschuldije dät, wurscht, ob die jot wor oder schlääch! Mer bruche berjewies strittije Kuns un Kultur, mer bruche vill mieh Theater, Ausstellunge, abjefahrene Musikprojekte jrad em WDR!

Kölsch Kolumne: Mir welle Vielfalt ushalde liere

Un die müsse keinesfalls jedem jefalle! Denn dodrüm drieht et sich nit. Et jeiht daröm, Debatten loszetredde, dat en Diskölsch widder zom Normalfall weed. Mir welle Vielfalt ushalde liere. Respekt, och vür Saache, die mer nit verstonn oder die uns nit jefalle. Dat es dinge Opdrag, Tommes! Doför zahle mer Jebühre!

Das könnte Sie auch interessieren:

Und mer bruche en möglichst unterhaltsame Edukation för et Internet. Ävver sujet vun...Wie mer sinn kunnt, bruchst do dat och, leeven Tommes! Dat is kei beßje verwerflich, janz em Jäjedeil: Et wör en Changs jewäs! Wenn do janz einfach zojejovve häts, dat do denne Trollarmeen ävver sujet vun op dr Leim jejange bes! Dat mer sech als nit mieh janz so junger Fetz so ja nit vürstelle kann, wie professionell manch Daugenix en däm Internet eröm scharwenzele! Dann künnst do Vürbeld sinn, vör all die andere, die jet älder sinn, sech endlich ens digital op Vordermann ze brenge. Dat schingk mer bitter nüdich.

KStA abonnieren