Abo

Kölsch-Kolumne„Einfach ens avschalde“ – Mike Hehn zum Kölner Verkehr und Staus

Lesezeit 3 Minuten
Neuer Inhalt (2)

Michael Hehn

  • Mike Hehn ist Musiklehrer in Köln.
  • Der Redner ist einer von sechs Autoren, die wöchentlich im „Kölner Stadt-Anzeiger“ Texte für eine kölsche Kolumne schreiben.
  • Ohne die typische Selbstbeweihräucherung von Köln und der Kölner nehmen sie aktuelle Entwicklungen und Phänomene in Stadt und Land aufs Korn.
  • Diesmal geht es um den Kölner Verkehr, Parkgebühren, und woran man merkt, dass die Oper immer noch nicht zu Ende gebaut wurde.

Köln – Ens janz höösch sin, zor Rauh kumme, sich selvs erkenne, entspanne. Wo fingk mer solche Saache hückzodach noch? Em Auto. En Kölle. En der „Rush-hour“. Oder op Kölsch: En der All-sin-se-op-jöck-Stund. Wobei Stund ärch euphemistisch es!

Selvs jedem Fremde weed en Kölle schnell klor, wat Chaostheoretiker längs zor Jesetzmäßigkeit erhovve han: Kölsche „Verkehrsplanung“ un „Ampelschaltung“ sin Synonyme för en janz eijene Aat vun Kontemplation, die zofällich üvver eine eren brich. Un bliev. Quasi Kölsch Yoga.

Et muss bei der Stadt ene Stau-Zochleiter jevve, dä noh däm Zoffalsprinzip op drei Knöppche dröck: rud, jrön, Baustell. Un esu kreiert hä die schönste Stau-Zöch. Janz ohne Päd: Et weed - wie em Parzifal - zom Raum die Zick. Oder zom Beispill us der Nord-Süd-Fahrt dä Nord-Süd-Stand.

Das könnte Sie auch interessieren:

Mer kann ens einfach avschalde. Nit nor dä Motor. Ens Saache maache, zo denne mer söns nit kütt: En der Nas bohre un dat Resultat us däm Finster entsorje. Dann weed us enem Mömmespitscher ne Mömmesflitscher. Nor hät dat me'm Parzifal nit vill zo dun. Oder mer fängk et Sinneere an: Han ich ald Kaate för die Opern-Premiere 2050? Hoffentlich merken se dann nit: Mer han die Bühn verjesse! „Liebe deine Stadt“ - ävver woröm usjerechnet he?

Woröm nit leever tireck op der Zoobröck? Do kann mer sich winnigstens e paar Stündche die bläcke Föttche en der Claudius-Therme beloore. Dat es immer noch dreimol besser, als met enem 3,5 Tonner op der Müllemerbröck fasshange.

Off kütt et ävver och einfach spontan zor kölschen Interaktion: Ens ussteije, met däm Nohbor jet schwaade oder kaate oder... Manch Fisternöllche soll ald dobei erusjekumme sin.

Zur Person

Michael Hehn ist Musiklehrer am Dreikönigsgymnasium in Bilderstöckchen. Im Karneval geht er als „Dä Nubbel“ in die Bütt, um über aktuelle Entwicklungen hintersinnig und auf Kölsch zu spotten. Der Redner ist einer von sechs Autoren, die wöchentlich im „Kölner Stadt-Anzeiger“ Texte für eine kölsche Kolumne schreiben. Ohne Sentimentalitäten und die oft typische Selbstbeweihräucherung von Köln und der Kölner nehmen sie aktuelle Entwicklungen und Phänomene in Stadt und Land aufs Korn. (fra)

Dä em Stau-Zoch taktisch jeschullte Kölsche denk sich: Wo ston ich wann wie lang un wat han ich all wo wie un woröm zo erledije? Die, die dä Drieh erus han, künne su nevvenbei dä janze Wocheenkauf tätije. Ämterjäng inklusive. Ohne Parkjeböhre! Vun däm jesparte Jeld künnt mer sich dann ene Drohtesel kaufe. Ävver dann wör mer jo immer en Bewäjung. Wo bliev dann do die Kontemplation? Leever einfach ens avschalde.

KStA abonnieren