„Dä Nubbel” schreibt op kölsch„Düxit oder Porxit is nit en Seech“
Michael Hehn
Copyright: Max Grönert
- Michael Hehn ist Musiklehrer am Dreikönigsgymnasium in Bilderstöckchen. Im Karneval geht er als „Dä Nubbel“ in die Bütt, um über aktuelle Entwicklungen hintersinnig und auf Kölsch zu spotten.
- Der Redner ist einer von sechs Autoren, die wöchentlich im „Kölner Stadt-Anzeiger“ Texte für eine kölsche Kolumne schreiben und aktuelle Entwicklungen und Phänomene in Stadt und Land ohne kölsche Sentimentalität aufs Korn nehmen.
- Lesen Sie hier auch alle weiteren Kölsch-Kolumnen.
Köln – Met der EU is dat jo esu en Saach: Et es eijentlich wie en enem Fastelovendsverein: Esu bahl die Metjleederzahl zwei üvversteig jitt et Knies. Bei 28 oder bahl 27 han sich naturjemäß immer e paar en der Woll. Ävver muss mer tireck alles fottschmieße wie die Britte?
Mer fröch sich jo, ov bei däm Johnson die Ress-Intellijenz en die Frisur jewandeert es. Jenau esu wie beim Trumpse Fuss, ävver dat es e ander Thema.
Et jeiht jo och anders: Loort üch ens NRW an. Dat flupp jo eijentlich janz jod: Rheinländer un Westfale levve friedlich zosamme. Dat litt zom eine an der fröhlich, friedlich un jenögsamen Aat vun uns Rheinländern. Un zom andere an der Trägheit vun dä Westfale.
Bei dä Kölsche es et e bessje komplezeerter: Kölsche Karnevaliste dun jähn un ov exiteere. 1871 jing et dann loss met däm Blauefunkexit. Fastelovend es nömlich en ähnzte Anjeläjenheit. Ävver Jott sei Dank han mer en Kölle söns kei' Jedöns met dä Sezessionsjelöste, ovschüns mer doch e Konglomerat us 86 Veedeln sin.
Wörterbuch
Blauefunkeexit: Anspielung auf die Abspaltung des Traditionskorps, der die ironische Sicht der Roten Funken aufs Militär nicht teilte
Loort: Seht
Dat flupp: Das klappt
ähnzte: ernste
ovschüns: obwohl
en Seech: in Sicht
schänge: schimpfen
luuter: lauter
jläbbisch: Gladbacher
Nüß: Neuss
ehtz: erst
Bes op ein Usnohm 1975: Dä Wesselinxit. Seid umschlungen Millionen jalt domols nor för en kohte Zick. Ävver zick däm es selvs op der Schäl Sick ene Düxit, ene Porxit oder ene Müllemexit nit en Seech, och wann se all op die Zentralrejeerung am Aldermaat am schänge sin.
Stellt üch dat ens vür: Die Schäl Sick zerbröch en luuter kleine Einzelstaate un die köme janz schnell unger jläbbische Enfluss. Ja, wolle mer dat em Ähnz? Un wat wör met däm Krokodil en Zündorf? An der Jroov dähten sich kilometerlange Schlange bei der Abfertijung belde.
Das könnte Sie auch interessieren:
Noch komplezeerter wör ene Düsseldexit: Dähte mer op dä Backstop verzichte un mahten Nüß zor Pufferzone? Wöödt die ripuarische Sprochjrenz bei Dormagen zor Demarkationslinie?
Nor eines wör klor: Spädtstens bei Worringe höörten dä Spass op, do fängk nömlich Kölle an: Endlich lecker Bier! Un die Rusemondagszög jon rejelmäßig (och wann nit esu off wie ne SPD Partei-Vürsetzende). Un nit nor bei Windstärke null.
Besser als jede Exit es ävver immer et Sich-berappele. Et Zosammeston. Dat es för all et Bess, och wann mänch einer et sich ehtz nit vürstelle kann. Un deswäje, leev Britte, denkt an Jan un Jriet, bevür ehr uns verlaaße doht: Wä et hät jewoss! Wä et hät jedon!