Marina Barth op kölschEn Kääz för die op däm Holzwääch
Kabarettistin und Regisseurin Marina Barth kennt keinen einzigen Kölner Künstler, der das Sofortnothilfe-Geld bekommen hat.
Copyright: Max Grönert
Köln – Marina Barth ist die Chefin des Theaters „Klüngelpütz“, das zurzeit wie alle Theater unter den Corona-Maßnahmen leidet. Das Theater hat im Internet einen digitalen Adventskalender gestartet. Marina Barth ist eine der Autorinnen der wöchentlichen kölschen Kolumne im „Kölner Stadt-Anzeiger“ „Loss jon“. Hier schreibt sie über Orientierungslosigkeit in Corona-Zeiten:
Düster es de Welt und kalt. Jeder Dach weed e Fiselche finsterer. Immer mieh Lück fange lauthals an ze lamenteere en enem Wald, der se bang mäht. En Wald, en däm do nit nur vür luuter Bäum' nix mieh sinn kannst, sondern en däm e unvürstellbar jroße Wäul fieser Möppe ungerwächs es.
Wöödig föhlt sich besser an
Saubengel un Blömcheverzeller, die met Erfolg verbreide: "Stemp alles ja nit! Loss dr nix vun dä Gouvernanz verzelle! Jläuv nix, wat en dr Zeidung steiht!" Weil dr Minsch schläch ushalde kann, dat hä ohnmächtich es, fällt hä op sujet eren. Wä meint, dat hä erus jefunge hät, dat hä beloge weed, dä kritt - schings - dat Heft wedder en de Häng. Dä kann op de Stroß renne un brülle. Wöödig sin föhlt sich vill besser an als wie flau.
Wörterbuch
Filseche – Stückchen
Wäul – Haufen, Menge, auch Wühlerei
Fiese Möpp – Schimpfwort, blöder Hund
wöödig – wütend
duurt – dauert
Maläste – Schwierigkeiten, Beschwerden
Ärmod – Armut
Ühm – Onkel
Möff – Gestank
Et kann einem Angst un bang weede, weil: Leev Lückscher, dat Corona-Ding es noh lang nit vürbei! Dat duurt. Esu flöck ändert sech jar nix an uns Maläste. Un et jitt och keine Schöldige. Keine Nubbel en Sicht. Mer wore jo schon vür dr Seuch' anjedötsch. Digitales Jedöns, Klima, Artesterve, Ärmod. Dazo Kreje, die uns durch Jeflüchtete immer nöher op dr Pelz rücke. Uns kleine kölsche Welt verändert sich en nem Tempo, do küst do nit immer met. Un wann do dann allein sinnierst, statt en Petras Heidestüffje an dr Thek', weed dir dr Berg flöck ze jroß. Do kannst do nit mieh drüvver loore.
Doht üch zesamme!
Deshalv doht üch zesamme, Lück! Drusse vür dr Dür bei enem Jlöhwingche - ze zweit oder dritt - selvsverständlech op Avstand! Oder op "Zöömche", dat jeht sujar mit enem Kölsch un dat kann jeder. Do passe janze Stammdesch erin in dat Zoom - wenn ich et doch sage!
Das könnte Sie auch interessieren:
Rof de Mamm an un dä komische Ühm, schick dä Pänz e Breefche, jeht flaniere - doht üch zesamme! Anders wie söns, secher, ävver besser wie nix! Passt op, et weed jlich e bissje besser! Un stallt noh joter kölscher Manier en Kääz op för die, die jrad dä finsterste aller Holzwäch för dä Usjang halde. En decke Kääz, statt üch ze mokeere! Wat die bruche, es Leech, söns finge die am Engk nie mieh erus us däm Möff!