Köln – Mer woren doch esu stolz dodrop, ziviliseete Minsche zo sin, anständich metenander ömjon zo künne un och bei ungerschiedliche Meinunge vernünftich metenander disketeere zo künne. Un wat es dovun üvvrich jeblevve?
Jot, jeder vun uns es ens wödich op ene Metminsch, springk us dem Baselümche un fängk enen Explezeer an, ävver wat hückzodachs esu avjeiht, dat pass op kein Kohhuck. Bei mänche Minsche es de Toleranzschwell esu niddrich jewode, die jon bei jedem Driss en de Luff wie e HB-Männche.
Dat fängk en de asoziale Medie em Internetz an
Wörterbuch
Baselümche – Kittel
Flappmänner – Blödmänner
Seiverschnüss – Sabbermaul
Nöttelefönes – Nörgler
Lemmetsjaan – Einfaltspinsel
Leppebell – Großmaul
Lingendänzer – Traumtänzer
Schraatelswiev – Schwätzerin
Lällbeck – Grünschnabel
Rüffje – berüchtigtes Weib
Önendönes – Schussel
Tütenüggel – Lutscher
Mömmesfresser – Geizhals
Dat fängk en de asoziale Medie em Internetz an: Do kammer anonym sing janze Woot, singe Hass un persönliche Frust op ander Lück avlade, do fäch eine Driss-Orkan nohm andere durch et Netz. Bei de Pänz „Bashing“ unger Klassekamerade, „Mobbing“ unger Kolleje un Meinungsterroriste vun rächs un links bedrohe un schikaneere Pulitiker, bes die et Handdoch schmieße udder sich en Pistol zoläje welle.
Och em Stroßeverkehr weed et immer schlemmer. De Autos wäde nit winnijer, doför de Radfahrer immer mih, de E-Scooter kumme noch dobei un meddendren de Foßjänger. En däm Jewöhl weed jeder zom Egomane un schängk üvver de andere, et weed jebröllt un de Fetze fleeje.
Och en der Pulitik dun se sich fäje wie de Kesselflicker
Zur Person
Walter Oepen ist Autor, Liedermacher, Kabarettist und Musiker, unter anderem im Krätzjer-Duo „Quetsch un Flitsch“. Gerade erschien die neue CD „He kütt de Kölsch-Pulezei“. 30 Jahre lang arbeitete Oepen als Puppenspieler im Hänneschen-Theater. „Oepens Schmal“ ist einer der Autoren, die wöchentlich im „Kölner Stadt-Anzeiger“ Texte für die kölsche Kolumne
„Loss jonn“ schreiben. (fra)
Och en der Pulitik dun se sich fäje wie de Kesselflicker. Selvs, wann Fründe zosammesetze, weed off nit mih üvver Pulitik disketeet, weil die sich söns och en de Woll krije un kein Fründe mih sin. Un dann dat neu Motto vum CSD: Bisher hatte die jo immer nur Forderunge an der Staat, jetz däte se sich met däm Motto „Einigkeit! Recht! Freiheit!“ ens zo unsem Staat un singe Jrundwäte bekenne. Ävver do komen e paar Flappmänner us der linke Eck un meinten, dat Motto wör „nationalistisch“. En Disköösch-Versammlung zo däm Thema wood avjebroche, weil nor widder jebröllt, beleidich un bedroht wood.
Un noch schlemmer: En der Silvesternaach schöckelt sich en Porz nen Explezeer su wick huh, dat ene CDU-Bezirksvertreter op e paar jung Fetze schüß. Su wick sin mer ald!
Versöhkt et ens met ener kölsche Schängerei
Ene jode Rot för all die bletzije un krabitzije Type: Versöhkt et ens met ener kölsche Schängerei!
Dat läuf he bei uns unger Folklore un klingk nit esu fies wie op huhdütsch. He en klein Lektion: Do Seiverschnüss! Schwaadlappe! Nöttelefönes! Ahl Kääzemöhn! Do rösich Frettche! Lemmetsjaan! Lingendänzer! Schraatelswiev! Ahl Petschzang! Lällbeck! Leppebell! Nühmaatskrat! Schäl Minka! Zusselich Rüffje! Do dreckelije Klütteboor! Blötschkopp! Pisspottschwenker! Dusselijen Önendönes! Tütenüggel! Mömmesfresser! Schnokefänger!
Das könnte Sie auch interessieren:
Un wann mer dann jenoch Damp avjeloße hätt, kütt die kölsche „Deeskalation“: „Kumm ens erav, do wödich Pissmännche, jetz jommer eesch ens zosamme e Kölsch drinke!“
