Michael Hehn schreibt „op Kölsch“„Jlöcksillije Resignation“
Michael Hehn
Copyright: Grönert
- Michael Hehn ist Musiklehrer am Dreikönigsgymnasium in Bilderstöckchen. Im Karneval geht er als „Dä Nubbel“ in die Bütt, um über aktuelle Entwicklungen hintersinnig und auf Kölsch zu spotten.
- Der Redner ist einer von sieben Autoren, die wöchentlich im „Kölner Stadt-Anzeiger“ in einer kölschen Kolumne aktuelle Entwicklungen aufs Korn nehmen.
- In dieser Folge beschäftigt er sich mit dem Lebensgefühl der Kölner. Doch was ist das eigentlich, die kölsche Identität?
Köln – Mir Kölsche sin jo en janz spezielle Zoot, quasi levve mer op enem eijene Planet – oder öm et met kölscher Bescheidenheit uszodröcke: En enem eijene Universum! Mer künnt fass meine, mer hätten sujar en eijene endemische Evolution, wann mer sich esu mänche Funk beim Rusemondagszoch beloort: Dat jitt et nor en Kölle!
Mer han jo alles, wat mer zom Levve bruch: Ne Dom. Ne Foßballverein, dä flöckste Opzoch vun der Welt, dä irrtümlich annemmp, och em Foßball jing et vun Etage eins noh Etage zwei erop. Dä Fastelovend - löstig, spontan, phantasivoll! Wat mer jedes Johr der Welt drusse zeije durch Üvverdragung vun Prinzenproklamation un ZDF-Mädchersetzung. Un joldene Materie en flüssijer Form (em Jäjesatz zor Düsseldorfer brungen Antimaterie) in Jlas un Fass. Á pro-pos Fass: Vielleich dat am mieste jebruchte Wood en Kölle, weil mer su vill „fass“ han: En Oper, en U-Bahn, en archäolojische Zone....
Wörterbuch
Zoot: Sorte
flöckste: schnellste
Opzoch: Aufzug
drusse: draußen
brungen: braune
fass: fast
bedügg: bedeutet
Entente cordiale: franz.: Abkommen über ein herzliches Einverständnis
sure Hungk: sehr herber Wein
jrieve: greifen
ald: schon
ov: ob, oder
luuter: lauter
Ävver ein Saach han mer nit nor fass, sondern janz sicher: E eije Jrundjesetz. Un domet wöre mer bei der kölschen Entität.
„Entität“ bedügg üvvrijens nit, wann die Kölsche Trinität, also et Trifolium, metsamp Entourage als Entrepreneur vum kölschen Fruhsenn däm Pontifex Maximus entröck en Jummi-Ent en die Häng dröck, öm domet en „Entente cordiale“ zwesche Kölle un däm Vatikan zo entfessele.
Entität hät och nix zo dun met der Melange us entsorgungswürdije Kribbelwasser un ener Fläsch entsetzlich surem Hungk, die mer em Jözenich vürjesatz kritt un die jeschmacklich an ene China-Imbiss erinnere däht: Ente söß-soor. Enä!
Die Kölsche Entität beschriev uns Jrundjesetz ald en dä eeschte drei Artikele: Et es wie et es. Et kütt wie et kütt. Et hät noch immer jod jejange. Dat es unsere Nucleus, et Innerste vum kölsche Tabernakel: Jlöcksillije, hoffnungsvolle Resignation vür däm kölsche Status-Quo.
Das könnte Sie auch interessieren:
Un wann et doch noch schlimmer kumme sollt, jrieve jo noch immer §4 Wat fott es es fott, §7 Wat wells do maache? Un §10 Drink doch eine met.
Es dat nit herrlich? Wä hät dat ald? Ov Oper, U-Bahn, Ebertplatz , ov die Renoveerung vun uns Schulle (besonders vun uns äldster Schull, däm Dreikünningsjymnasium vun 1450!): Mer waade. Et weed ald weede. Oder och nit. Mänchesmol föhlt mer sich vür luuter Entität- fass - wie en Entenhausen.